صفرا کڅوړې تیږې
صفرا کڅوړې تیږې انګليسي ژبه: Gallstones هغه کلک جوړښتونه دي چې د صفرا په غلظت، د صفرايي مالګو د کمښت، د کولیسټرول د زیاتوالي او د صفرا د جریان د ګډوډۍ له امله د د صفرا کڅوړه کې رامنځته کېږي. دا تیږې د حاضمې په فعالیت، د صفرا په جریان او د بدن په انرژۍ ژور اغېز کوي.
صفرايي تیږې په دوو اصلي ډولونو وېشل کېږي: کولیسټرولي تیږې او رنګیزې تیږې. کولیسټرولي تیږې تر ټولو عامې دي او د صفرا د کیمیاوي توازن د ګډوډۍ له امله جوړېږي. رنګیزې تیږې د وینې د ماتېدو د پاتې شونو له امله رامنځته کېږي.
د صفرا کڅوړې تیږې د صفرا د بندښت، شدید درد، التهاب، د هاضمې ستونزو، د پوستکي ژېړوالي او د بدن د زهرجنو موادو د زیاتوالي لامل کېږي. د تیږو د بندښت په صورت کې بیړنۍ درملنه اړینه وي.