سلطان مصطفی (لمړی)

لومړی سلطان مصطفی

مصطفى اول (تورکي)

اړوند

زېږونځای	استانبول
ښاروندتوب	عثماني سترواکي
زېږون نېټه	۲۴ جون ۱۵۹۱
مړينې نېټه	۲۰ جنوري ۱۶۳۹
مړينې ځای	استانبول
ښخولو ځای	اياصوفيه
ژبې	تورکي ژبه — پارسي ژبه — عربي ژبه — عثماني تورکي ژبه
دنده	ruler (en)

ټوليز مالومات

عمومي مالومات	انسان
وروڼه او خويندې	لړۍ... سلطان احمد (اول) — Alexander of Montenegro (en) — Şehzade Mahmud (en) — Halime Sultan (mul) — Şehzade Selim (en)
دین	اسلام

نور اړين مالومات

برخه د	د عثمانیانو لړۍ

مصطفی اول یا لمړی سلطان مصطفی ( زوکړه د جون ۲۴، ۱۶۰۰ - مړینه د جنوري ۲۰، ۱۶۳۹) د دریم سلطان محمد تر ټولو کشر زوی، د لومړي احمد ورور او د عثماني امپراتورۍ پنځلسم سلطان او واکمن وو. نوموړی د خپلي مور حلیمې سلطان او ورېنداري کوسم سلطان په مرسته واک ته ورسېدی، خو څرنګه چي یې خپل ژوند د توپکاپي ماڼۍ په حرم کي د کوسم سلطان تر سرپرستۍ لاندي تېر کړی وو، نو ځکه یې د دولتي چارو مخینه او تجربه نه درلوده.

مصطفی د ۱۶۱۷ کال له وروستیو څخه تر ۱۶۱۸ کال پوري درې میاشتې حکومت وکړ، او وروسته د کوسم سلطان لخوا د لیونتوب له امله له دندي ګوښه کړ. تر ګوښه کېدو وروسته وراره (سلطان عثمان) واک ته ورسېدی، خو په ۱۶۲۲ کال کي د فوځ له لوري د یو پاڅون په پایله کي بیا تخت ته ورسیدی. د عثماني سلطنت شیخ الاسلام تر یادي پیښي یو کال وروسته د یوې فتوا له مخي نوموړی بیا له واکه ګوښه کړ، او د عثماني کورنۍ څلورم سلطان مراد خان د خلیفه په توګه وټاکل سو. سلطان مصطفی په ۱۶۳۹ کال کي مړ او د ایا صوفیا په جومات کي خاورو ته وسپارل سو. دی په عثماني کورنۍ کي لمړی شخص وو چي د ورور تر مړیني وروسته یې واک په لاس راوړ، ځکه تر دې مخکي هر واکمن د پلار تر مرګ وروسته واک ته رسېدی.