د کشمیر پښتانه

کشميري پښتانه يا د کشمير پښتانه چې هلته يې خلک کشميري پټانان بولي د کشمير سيمه کې يوه مهمه تاريخي او کلتوري برخه ده، چې د هند تر ادارې لاندې جمو او کشمیر او د پاکستان تر ادارې لاندې آزاد کشمیر کې ژوند کوي چې شمېر يې کابو له سل زره وگړو اوړي چې له دې جملې ۱۵۰۰۰ تنه يې يوازې د کشمير له مرکز سرينېگر ۲۷ کيلومتره لرې گندربل سيمه کې د گوټلې باغ په نامه کلي کې ژوند کوي چې دا د کشمير د پښتنو تر ټولو لوی کلی دی او کابو ټول پښتانه يې روانې پښتو خبرې کولی شي؛ خو د پښتو ليک لوست برخه کې مرستې ته اړتيا لري. دوی د څو پېړیو په اوږدو کې د اوسني افغانستان او پاکستان څخه د پرله پسې کډواليو پايله کې ياده سيمه کې مېشت شوې دي. که څه هم ډېری یې د پښتو ژبې او پښتونولي دودونو عناصر ساتي، نور یې د سیمه يیزو، کشمیري ، گوجري او پهاړي چاپېریال سره د کلتوري یوځای کېدو بېلابېلو دورو تېر شوې دي.

کشميري پښتانه

د کشمير پښتانه
د پښتنو يو انځور چې وروسته ښايي د کشميرو پښتنو په انځور بدل شي
ټول نفوس
۱۰۰۰۰۰
ګڼ مېشتې سيمې
هند جمو او کشمیر پاکستان ازاد کشمير
ژبې
پښتو ژبه
دين
اسلام