د کابل ښاروالي

کابل ښاروالۍ چې ځينې يې د کابل ښاروالي هم ليکي د کابل ښاري چارو د سمبالښت او کنټرولولو دنده پر غاړه لري. د ښاروالۍ ادارې ښار په څو ناحيو وېشلی او هرې برخې ته بېله بېله ډله او د کاري پلانونو برخې لري. ښاروالي معمولاً يوازې په ښار پورې اړونده نه ده بلکې د شاواخوا سيمو د رغونې او لارو جوړولو برخو کې هم کار کوي؛ خو تر ډېره یې اصلي رول پر ښار دی.

ښاري وېش

کابل ښاروالۍ وسمهال ۲۲ ناحيې لري چې په لاندې ډول دي:

لومړۍ ناحيه

لومړۍ ناحيه د کابل ښاروالۍ تر ټولو پخوانۍ ناحيه ده چې ۱۰.۸۵ کيلومتره مربع پراخوالی لري يو ۱۳۰،۰۰۰ وگړي پکې دايمي استوگنه لري، دا چې دا سيمه ترډېره سوداگريزه ده او مارکېټونه او دوکانونه لري؛ نو هره ورځ کابو دوه ميليونه وگړي په دې ناحيه خپلې چارې سرته رسوي.

دا ناحيه په شمال کې د کابل سيند، په سوېل کې اوومې ناحيې، ختيځ کې اتمې ناحيې او لوېديځ کې اوومې ناحيې سره تړلې ده، دا ناحيه د کابل ښار سوداگريز، استوگنيز او تاريخي سيمه ده. دا ناحيه وسمهال ۳۱ تشکيلاتي او ۲۷ خدماتي کارمندان لري، ۷ مديريته او ۱ امريت، ۴ مامورين او ۲۱۵ سپاکاران لري.