د خوست کلابندي

خوست کلابندي

ټوليز مالومات

عمومي مالومات	siege (en)
ځای	خوست
هېواد	د افغانستان ډيموکراټيک جمهوريت

نور اړين مالومات

برخه د	په افغانستان کې شوروي جګړه
پيل موده	جنوري ۱۹۸۰
پای	۱۱ اپريل ۱۹۹۱
ګډونوال	د افغانستان ډيموکراټيک جمهوريت شوروي اتحاد Islamic Unity of Afghanistan Mujahideen (en)

نور مالومات

کورډي‌نېشن	۳۳°۲۰′۰۰″شمال ۶۹°۵۵′۰۰″ختیځ

د ۱۹۸۰ لسیزې په اوږدو کي د شوروي-افغان نهه کلنې جګړې او ورپسې د افغانستان د کورنۍ جګړې په ترڅ کي د خوست ښار د یوولسو کلونو څخه زیات په کلابندۍ کي پاته سو. ددې ښار د هوايي ډګر درې کیلومتره اوږدې ځغاستلیکي د شوروي ځواکونو لخوا د الوتکو د عملیاتو لپاره د اډې په توګه کار کاوه.

کلابندي د شوروي ځواکونو له خوا پر افغانستان د یرغل وروسته سمدلاسه پیل سوه، او افغان چریکانو د خوست او ګردیز ترمنځ د یوازینۍ ځمکنۍ لاري واک ترلاسه کړ، چي په دې توګه یې د شورويانو پرمختګ له خنډ سره مخ کړ.

د ۱۹۸۳ کال د جولای په پای کي د جلال الدین حقاني ځواکونو د خوست دوې سیمي کلابندي، او د تڼيو، منګلو، ځاځيو او وزیرو قبیلو په جګړه کي فعاله ونډه پیل کړه، خو یاد ولایت نه یوازي دا چي ونه نیول سو، بلکي د اکتوبر په میاشت کي د تڼیو قبیلې د ځدراڼو سره د قومي دښمنۍ له امله له ټلوالي څخه ووتله. ورپسې د ژمي په رارسېدو سره ډېر یاغیان هم کورونو ته راستانه سول، او د دسمبر په پای کي د ګردېز څخه راغلو حکومتي ځواکونو د دواړو ښارونو محاصره ماته او ځاځي میدان یې بیرته فتحه کړ.

د خوست د پورتنۍ کلابندي د خلاصون لپاره د مجسټرل عملیات ډېر مهم یرغل وو، چي د ۱۹۸۷ کال په پای کي پیل سوه، او ددوی لومړني کاروانونه د ۱۹۸۷ کال د دسمبر په پای کي د خوست کلابندو سیمو ته ورسېدل. تر یادي پیښي څه عمر وروسته کله چي د شوروي اصلي ځواکونه له افغانستان څخه ووتل، د مجاهدینو ډلو یو ځل بیا پر خوست باندي تاړاک پیل کړ کړ.

دوی د پاکستان د استخباراتو په مرسته د قوماندانانو د شورا له جوړېدو وروسته چي د پېښور اووه ډلې پکښي یوځای سولې، او د خوست د نیولو لپاره یې برید همغږي کړ. د مجاهدینو لپاره د پخواني ځانګړي استازي پیټر ټامسن په وینا یاد برید د مجاهدینو په پرتله تر ډېره پوري د ISI عملیات وه، چي د افغان حکومت په وړاندي یې ترسره کړل. برید د ګلبدین حکمتیار ، جلال الدین حقاني او د محمد نبي محمدي په مشرۍ د سیمه ییزو احمدزیو قبیلو د حزب اسلامي ځواکونو لخوا پیل سو، او د حزب اسلام او حقانيه ډلو له ماتي وروسته احمدزيانو ته مشرتوب وسپارل سو، چي بالاخره هغوی وتوانېدل ترڅو ښار ونیسي، او په پایله کي یې د لویدیځ او پاکستان په مرسته د مارچ په ۳۱، ۱۹۹۱ کي بریا ترلاسه کړه.

سرچینې

https://books.google.com.af/books?id=ToYxFL5wmBIC&redir_esc=y