دماغي مړينه

د ويکيپېډيا لخوا
ورټوپ کړه: گرځښت, پلټل

د ماغزو مړينه يا دماغي مړينه (په انګرېزي: Brain Death) د ماغزو د ټولو نورماله کړنو پای دی چې دغه حالت هېڅکله نه په شاکېږي. د ماغزو مړينه د سېرېبرال نيورانونو د بشپړ نېکروسېز په پايله کې رامېنځ ته کېږي. د سېرېبرال نيورانونو نېکروسېز او په ماغزو کې د آکسيجن د کمښت او نشتوالی د دماغي مړينې ستر لامل ګڼل کېږي. د دغه حالت او دوامدارې بيهوشۍ سره توپير بايد وشي او بايد چې څوک د دغو دوو حالتونو تر مېنځ ټکنی نه شي.

د ماغزو مړينه، که د ټولو ماغزو او يا يوازې د ماغزو د ډنډر وي، دا دواړه حالتونه په قانوني توګه د مړينې په توګه پېژندل شوي.