جېفري اېپسټين

جېفري اېپسټين چې ځينې يې جيفري اپسټين هم ليکي (په انګليسي ژبه: Jeffrey Apes Epstein‎) یو امریکایی میلیاردر او د پانګوال و، چې د نړۍ له مشهورو کسانو سیاستوالو، ساینسپوهانو، او هنرمندانو سره يې نږدې اړیکې لرلې، چې هغوی ته يې د جنسي اړيکو لپاره کوچني ماشومان چمتو کول او په بدل کې به يې له هغوی سياسي گټه پورته کوله.

جېفري اېپسټين
جېفري اېډوارډ اېپسټين
په ۲۰۰۶ز کې د جېفري يو انځور په ۲۰۰۶ز کې د جېفري يو انځور
د شخص مالومات
پيدايښت	۲۰ جنوري ۱۹۵۳ نيويارک
مړینه	۱۹۵۳ جنوري ۲۰ نيويارک
د مړینې لامل	ځان وژنه په دار ځړول
هديره	ډيويډ ستوري هديره، پام بېج باغونه، نيويارک
تابعیت	د امریکا متحده ایالات
دين	عيسويت
عملي ژوند
کار/مسلک	ښوونکی، پانگوال، کار ورکوونکی
کاروونکې ژبه	انګليسي ژبه
د کړنې څانګه	مالیه
پېژندنې لامل	اېپسټين قضيه(جنسي اړيکو لپاره مشهورو کسانو ته د کم سنه ماشومانو چمتو کول)
ټوله شتمني	559120954 امريکايي ډالر (۳۰ جون ۲۰۱۹) 577672654 امريکايي ډالر (۱۰ اگست ۲۰۱۹)
لاسليک
جېفري اېپسټين
وېبپاڼه
	مخ پر IMDB باندې

جېفري اېډوارډ اېپسټين (زېږون:۲۰ جنوري ۱۹۵۳، مړينه:۱۰ اګست ۲۰۱۹) يو امريکايی و، چې پر انساني قاچاق او ماشومانو د جنسي تيري جرمونو له مخې يې شهرت وموند. نوموړی په پيل کې د مالي تمويلوونکي په توگه مشهوره شوه، هغه په لومړيو کې په ډالټن ښوونځي کې د رياضياتو او فېزيک ښوونکی و، چې وروسته په ۱۹۷۶ ز کې له ښوونځي څخه گوښه شو، چې له گوښه کېدو وروسته د يو زده کوونکي د پلار له خوا د وال سټريټ بانک د پانگونې يو لوړپوړي شريک بېير ټارنز سره معرفي کړ، دې په څلورو کلونو کې دننه هلته شريک شو او تر ۱۹۸۲ پورې يې خپله کمپنۍ جي اېپسټين اېنډ کو جوړه کړه، هغه د اشرافو يو ټولنيزه ډله جوړه کړه او لږ تر لږه ۱۰۰۰ کم عمره نجونې، تنکي ځوانان او ځوانې مېرمنې يې راټولې کې چې د هغه او د هغه د ملگرو له خوا د مکرر جنسي تيري او جنسي تاوتريخوالي سره مخ شول.

ويل کېږي چې اېپسټين به د نړۍ مشهورو کسانو، سياستوالو، ميلياردرانو، چارواکو، ولسمشرانو... ته کوچنۍ نجونې او هلکان راوړل او هغوی به پر جنسي تېری کاوه.

اېپسټين څو ځله په بند محکوم شوی و؛ خو له لويو چارواکو سره د اړيکو او د هغوی د رازونو له کبله به بېرته خوشې کېده؛ خو بالاخره په ۲۰۱۹ز کال د اگست په ۱۰ مه نېټه هغه د امريکا د نيويارک د يو زندان خونه کې مړ وموندل شو، چې د زندان مسؤلينو دا ځان وژنه وبلله، چې د شننونکو له نظره دا ځان وژنه نه وه، بلکې پلان شوې مرموزه وژنه وه، ترڅو د هغه سياستوالو او ملياردرانو رازونه افشا‌ء نه کړي، کوم چې له اېپسټين سره ول.

ژوند

جېفري اېډوارډ اپسټين په ۲۰ جنوري ۱۹۵۳ د نيويارک ښار په بروکلين کې زېږېدلی و. د هغه مور پاولين "پاولار" سټولوفسکي (۱۹۱۸-۲۰۰۴ز) او پلار سيمور جورج اېپسټين (۱۹۱۶-۱۹۹۱ز) يهوديان وو او د هغه له زېږون څخه لږ دمخه په ۱۹۵۲ز کې يې واده کړی و. د هغې مور پاولين د ښوونځي د مرستيالې په توگه کار کاوه او يوه عادي مېرمن وه. د هغه پلار سيمور بيا د نيويارک ښار د پارکونو او چکرځايونو ادارې د ساتونکي (باغبان) په توگه دنده ترسره کوله.