بیټ کوین ساتوشي ویژن
بیټ کوین ساتوشي ویژن (بی ایس وي هم ورته ویل کېـږي) یو ډول ډیجیټلي پیسه (کریپټوکرنسي) ده چې د بیټ کوین کېش څخه د جلا کېدو په ترڅ کې رامنځته شوه. دغه ډیجیټلي پیسه د ۲۰۱۸م کال د نومبر په میاشت کې د ګریګ سټیون رایټ په مشرۍ د ځينو کسانو لخوا جوړه شوه. ګریګ سټیون رایټ له ۲۰۱۵م کال راهیسې ادعا کوي چې دی هماغه ساتوشي ناکاموتو دی کوم چې د اصلي بیټ کوین جوړوونکی بلل کېږي.[۱][۲][۳]
تاریخچه
[سمول]په ۲۰۱۸م کال کې د بیټ کوین ساتوشي ویژن او بیټ کوین کېش بېلېدل
[سمول]د ۲۰۱۸م کال د نومبر پر ۱۵مه، د بیټ کوین کېش شبکه د سختې بېلېدنې له امله په دوو سیالو څانګو ووېشل شوه، چې یو طرف بیټ کوین کېش او بل طرف بیټ کوین ساتوشي ویژن ونومول شوه. په همدې ورځ د یو بیټ کوین کېش بیه ۲۸۹ ډالره او د بیټ کوین ساتوشي ویژن بیه شاوخوا ۹۶.۵۰ ډالره وه. خو یوازې یوه ورځ مخکې ( د نومبر په ۱۴مه نېټه) د یوه بیټ کوین کېش بیه ۴۲۵.۰۱ ډالره وه. [۴][۵][۶]
د بیټ کوین کېش شبکې د جلاکېدو اصلي لامل په دغه شبکه کې د دوو سيالو ډلو تر منځ اختلافات ( کورنۍ جګړه هم ورته ویل کېده) وو. د لومړۍ ډلې ملاتړکوونکي کسان د بیټ مین شرکت مشر( جیانوو) او د دغه شرکت یو بل مهم کس (راجرور) وو. دغه ډلې د بیټ کوین بلاکونو د اندازې د کنټرول کولو لپاره یو سافټویر (بیټ کوین ABC بلل کېده) ته وده ورکړه تر څو د یو بلاک اندازه ۳۲ مېګابایټه پاتې شي. بل لورته د دوی سیالې ډلې ( مشري یې کریګ سټیون رایټ او میلیاردر کالوین اېیر کوله) د داسې سافټویر (بیټ کوین ایس وي بلل کېده) په جوړولو کار پیل کړی وو چې د بیټ کوین د یو بلاک اندازه یې ۱۲۸ مېګابایټو ته پورته کوله. [۷][۸]
په ۲۰۱۹م کال کې له بایننس څخه د بیټ کوین ایس وي لرې کېدل
[سمول]د ۲۰۱۹م کال د اپرېل په میاشت کې، د دوو ډلو تر منځ په لویه کچه انلاین لفظي شخړې پیل شوې، یو لورته هغه کسان وو چې د کریګ سټیون رایټ ادعا یې منله چې ګوندې دی هماغه ساتوشي ناکاموتو دی ، خو بل لورته نورو کسانو دا ادعا نه منله او خبره په پای کې انلاین لفظي شخړو ته لاړه. د همدې شخړو له امله، د ډیجیټلي یا انټرنیټي پیسو د تبادلې سترې شبکې (بایننس) له خپلو لیستونو بیټ کوین ایس وي لرې کړه. دوی وویل: په بایننس کې موږ ټولې هغه ډیجیټلي شتمنۍ چې لیست کړې مو دي په دوامداره توګه د ارزونې لاندې راولو، تر څو ډاډ ترلاسه کړو چې دغه ټولې ډیجیټلي شتمنۍ زموږ د ټاکل شویو لوړو معیارونو سره سمون لري. کچیرته کومه ډیجیټلي پیسه یا ټوکن نور دغه معیارونه پوره نه کړي یا د بازار شرایط بدل شي، نو موږ دغه ډیجیټلي پیسه تر ژورې ارزونې لاندې راولو او ښايي له لېسته یې هم وباسو. موږ باور لرو چې دا چاره زموږ د ټولو کاروونکو په خوندیتوب کې مهم رول لري. [۹]
د ارزونې پر مهال موږ بېلابېل مهم فکتورونه په پام کې نیسو، چې ځینې یې دا دي: د پروژې پر وړاندې د ټیم ژمنتیا، د پراختیايي فعالیت کچه او کیفیت، د شبکې او تړونونو ثبات، د عامه اړیکو او معلوماتو کچه، زموږ د دوراني څېړنو غوښتنو ته د دوی د ځواب ورکولو چټکتیا، د غیراخلاقي یا له درغلۍ ډکو کړنو د ثبوتونو وړاندې کول او په پای کې د سالم او دوامداره کریپټو چاپېریال لپاره یوځای کار کول او ونډه اخیستل دي.[۱۰]
په ۲۰۲۱م کال کې پر دغه شبکه برید
[سمول]د ۲۰۲۱م کال د اګست په میاشت کې د بیټ کوین ایس وي شبکې ۵۱ سلنه برخه له برید سره مخ شوه، په دغه شبکه تر دې وړاندې هم د جون او جولای میاشتو کې ورته بریدونه ترسره شوي وو. په اصل کې دا ډول بریدونه هغه وخت رامنځته کېږي کله چې د ډیجیټلي پیسو ماینران ( محاسبه کوونکي) د یوې شبکې له نیمايي څخه زیاته محاسبوي وړتیا تر خپل واک لاندې راولي؛ د دغو بریدونو له لارې بریدکوونکي کولای شي چې خپلې ډیجیټلي سکې دوه ځله مصرف کړي ځکه دا ډول بریدونه په شبکه کې د ډیجیټلي پیسو راکړه ورکړه د یو څه وخت لپاره ودروي. د دغو بریدونو په اړه ادم جمېز ( د اوکیکس د څېړنو څانګې ایډیتر دی) څرګندونه کوي چې په ټوله کې دا ډول برید د ډیجیټلي پیسو په بیو کې کوم خاص توپیر نه راولي خو ممکن له دې پیښې وروسته خلک پر بیټ کوین ایس وي شبکې دومره باور ونکړي. [۱۱]
د ۲۰۲۴م کال د سترې محکمې پرېکړه
[سمول]د ۲۰۲۴م کال د مارچ په میاشت کې د بریټانیا د سترې محمکې قاضي جمېز میلور د سټوین ادعا ناسمه وبلله او پرېکړه یې وکړه چې سټیون رایټ د اصلي بیټ کوین بنسټ ايښودونکی (ساتوشي ناکاموتو) نه دی. [۱۲][۱۳]
سرچينې
[سمول]- ↑ Ossinger, Joanna. "Crypto Coin Bitcoin SV Appears to Have Faced a '51% Attack'". Bloomberg. بياځلي په 19 September 2024.
- ↑ Roberts, Jeff. "End of the road for Craig 'Fake Satoshi' Wright, who conned the media with claim he invented Bitcoin". Fortune. بياځلي په 19 September 2024.
- ↑ "Bitcoin vs Bitcoin SV: difference explained". CNBC. 12 January 2023. بياځلي په 19 September 2024.
- ↑ Kharif, Olga (17 November 2018). "Bitcoin Cash Clash Is Costing Billions With No End in Sight". Bloomberg. خوندي شوی له اصلي څخه په 17 November 2018. بياځلي په 18 November 2018.
- ↑ Kharif, Olga (23 November 2018). "Bitcoin Cash Wars End With No Relief for Biggest Cryptocurrency". Bloomberg. خوندي شوی له اصلي څخه په 3 August 2019. بياځلي په 7 December 2018.
- ↑ Kharif, Olga (15 November 2018). "Bitcoin Cash Fork Hits Investors' Pocketbooks as Two Coins Slip". Bloomberg. خوندي شوی له اصلي څخه په 19 November 2018. بياځلي په 18 November 2018.
- ↑ Huang, Zheping (15 November 2018). "Bitcoin cash "hard fork": everything you need to know about the latest cryptocurrency civil war". South China Morning Post. خوندي شوی له اصلي څخه په 18 November 2018. بياځلي په 18 November 2018.
- ↑ Kharif, Olga (17 November 2018). "Bitcoin Cash Clash Is Costing Billions With No End in Sight". Bloomberg. خوندي شوی له اصلي څخه په 17 November 2018. بياځلي په 18 November 2018.
- ↑ Jemima, Kelly (15 April 2019). "Binance delists Craig Wright's "Bitcoin Satoshi's Vision"". Financial Times. بياځلي په 25 September 2024.
- ↑ Jemima, Kelly (15 April 2019). "Binance delists Craig Wright's "Bitcoin Satoshi's Vision"". Financial Times. بياځلي په 25 September 2024.
- ↑ Ossinger, Joanna. "Crypto Coin Bitcoin SV Appears to Have Faced a '51% Attack'". Bloomberg. بياځلي په 19 September 2024.
- ↑ Kharif, Olga (23 November 2018). "Bitcoin Cash Wars End With No Relief for Biggest Cryptocurrency". Bloomberg. خوندي شوی له اصلي څخه په 3 August 2019. بياځلي په 7 December 2018.
- ↑ Tobin, Sam (2024-03-14). "Self-proclaimed bitcoin inventor is not 'Satoshi Nakamoto', UK judge rules". Reuters. بياځلي په 2024-09-07.