اوشین ( د بیټ کوین مایننګ پول)

اوشین د بیټ کوین یو ماینینګ پول دی چې د ۲۰۲۳م کال په نومبر کې پرانیستل شو، د دغه مایننګ پول یا ډلې د جوړېدو اصلي موخه د بیټ کوین د ماینینګ غیرمرکزي کول دي، یعنې د دغه پول له لارې ماینران کولای شي پخپله د بلاک شکلونه او نمونې جوړې او وټاکي، همداراز د دغه پول په جوړېدو سره به په مرکزي پول تکیه هم راکمه شي. د دغې پروژې بنسټ د اصلي بیټ کوین پخواني سافټویر انجینر لوک ډاش جونير کېښود، خو مالي ملاتړ یې بیا جیک ډورسي ( په دغه پروژه کې لومړی پانګه اچوونکي و) کوي.

د اوشین جوړښت او موخې

اوشین ځان تر ډېره د یو داسې پول په توګه معرفي کوي چې اجازې ته اړتیا نلري، ډېر شفاف دي او د خوندیتوب کوم سیسټم هم نلري. اوشین په اصل کې د خلاصي سرچینې ( هر څوک لاس رسي ورته لري) یو سافټویر دي چې ماینرانو ته لاره هواري تر څو د هاش رېټ پر اساس په مستقیمه توګه پیسې ترلاسه کړي. همداراز ماینران د دغه پول له لارې د مرکزي پول د اپریټرنو پرته هم پیسې ترلاسه کوي.  سربیره پردې ماینران اړ نه دي چې د میینګ کولو په وخت خپل شخصي معلومات سیسټم ته داخل کړي. د ۲۰۲۴م کال په مۍ میاشت کې، اوشین خپل نړیوال دفتر د ال سلوادور په پلازمېنه سان سالوادور کې جوړ کړ، دوی څرګندونه وکړه چې دا هېواد د بیټ کوین ملاتړ کوونکی او مناسب قانوني چاپيریال لري. اوشین شرکت همداراز یادونه وکړه چې السلوادور به ډېر ژر د سوداګریز پرمختګ نړیوال مرکز شي.

د مرکزیت کمولو ځانګړتیاوې

اوشین وايي چې د دې پروټوکول یو مرکزي ځانګړتیا دا ده چې ماینران کولی شي پخپله د بلاک نمونې جوړې او وټاکي چې پخوا دا کار یوازې د مرکزي پول د اپریټر په واک کې و. د دغه بدلون راوستلو موخه د مایننګ په پولونو کې پر ځواک د تمرکز کمول دي، تر څو ماینران پخپله د راکړې ورکړې په بلاکونو کې شامل او واک په لاس کې واخلي.

اوشین همداراز ادعا کوي چې د دوی دغه ماډل د شفافیت او مرکزیت کمولو کچه لوړوي، ځکه په بلاکونو کې د راکړو ورکړو انتخاب نور یوازې د مرکزي واک لاندې نه دی. دوی یادونه کوي چې د انعامونو د ساتنې له منځه وړلو او د بلاک ډیزاین کولو واک مستقیم ماینرانو ته ورکولو سره اوشین هڅه کوي د داسې مرکزیت مخه ونیسي کوم چې ځینې نقادان د بیټ کوین د غیرمرکزي فلسفې خلاف بولي.