افغان ملي پوځ

د ويکيپېډيا لخوا
ورټوپ کړه: گرځښت, پلټل

د افغان ملي پوځ په ۱۳۸۱ کال کې د ولسمشر حامد کرزي له لورې د یوه فرمان پر بنسټ رامینځ ته شو. د افغان ملي پوځ د ملي دفاع وزارت تر مشرۍ لاندې د افغان ملي امنیتي ځواکونو (ANSF) یوه برخه جوړوي چې ددې ځواکونو بله برخه افغان ملي پولیس دي (ANP). افغان ملي پوځ د افغانانو د ټولو ټولنیزو او توکمیزو ډلو څخه جوړ یو د خپلي خوښې ځواک بلل کیږي. په پام کې وه چې افغان ملي پوځ په بنسټیزه توګه ۷۰۰۰۰ وسله والو ځواکونو ته ورسیږي. د افغانستان ملي پوځ په ۱۳۸۲ کال کې د بن د تړون پر بنسټ له رامینځ ته کیدو وروسته د افغان حکومت د امنیتي سکټور د سمون د ستراتیژۍ له پنځو ستنو څخه یوه وبلل شوه.

د افغان د ملي پوځ دندې[سمول]

  1. د پولو ساتنه او له بهرنيو ګواښونو څخه مخنیوی؛
  2. ترهګرو ځواکونوته ماته ورکول؛
  3. د نا قانونه وسله والو ډلو له مینځه وړل، بیا پیوستون یا نیول؛
  4. له افغان ملي پولیسو سره په همکارۍ کې د کورنیو امنیتي ګواښونو او بیړنیو حالاتو اداره کول.