د پنحوايي ولسوالۍ مازيګرنی انځور
پنجوايي ولسوالۍ د افغانستان د کندهار ولايت يوه ولسوالۍ ده. په دغې ولسوالۍ کې د مېشتو خلکو شمېر ۸۲،۸۰۰ وګړو ته رسېږي.[1] نوموړې ولسوالي د كندهار ښارڅخه لوېديځ لوري ته په ۲۰ كيلومترۍ كي پرته ده. د پنجوايي ولسوالۍ زيات شمېر خلک په کرهڼه بوخت دي، زيات پيداوار يې انار، انګور، اوربشي او غنم گڼل كيږى. د نوموړي ولسوالۍ لږ وګړي په مالدارۍ بوخت دي. په پنجوايي ولسوالي كي بېلا بيل قومونه اوسيږى، لكه: الکوزي، نورزي ، اڅكزي، ساکزي، كاكړان او باركزي.په نوموړې ولسوالي كي لوى قومونه نورزي او الكوزي دي، چي د دغې ولسوالۍ زيات نفوس تشکيلوي.په يادي ولسوالي كي اوس مهال يو روغتيايي مرکز شته، چي نارينه او ښځينه ډاکټران پكښي كاركوي او نور ټول مهم بستونه يې خالي دي. په پنجوايي ولسوالۍ کي زياته برخه خپله ځايې خلک تشكيلوي، او ډيرو كمو خلکو له نورو ولسواليوڅخه پنجوايي ته كډه کړې، چي ددې ولسوالي د زراعت چاري پر مخ وړي.
دا هم وګورۍ
سرچينې
