مېترونيدازول

مېترونيدازول

مېترونيدازول ( /mɛtrəˈnaɪdəzoʊl/) (په انګرېزي: Metronidazole)يو نيترواميدازول انتيبيوتيک درمل دی چې په ځانګړې توګه د انېروب باکټريا او پروټوزوا په سبب د رامېنځ ته شوو انتاني ناروغيو درملنې کې کارېږي. مېترونيدازول د پروټوزوا ضد، باکټريا ضد او امېب وژونکی ځانتياوو نه برخمن دی. دا ګولۍ د کلوسټرېډيم ډيفيشايل باکټېريا په معتدلو انتانونو کې د لومړۍ خوښې درمل ګڼل کېږي. په امريکا کې دغه ګولۍ د فېزر درمل جوړونکې کارخانې لخوا د فلاجېل په نوم جوړېږي. د سانوفي اوېنتيس د درمل جوړونکو لخوا د ټولې نړۍ لپاره د فلاجېل په نوم صادرېږي، په پاکستان او بنګله دېش کې، دا درمل د نيداجيل په نامه د سټار ازمېنتونونو لخوا بازار ته راوځي. په تايلنډ کې همدا درمل د مېپاجېل په نامه، د تاي ناخورن پاټانا فابريکې لخوا جوړېږي. په برتانيه کې د مېلفارم او الموس د فارمسي کارخانو لخوا هم دا انتيبيوتيک بازار ته راوځي. د مېترونيدازول درمل د لومړي ځل لپاره په ۱۹۶۰ ز. کال کې جوړ شول.

همداراز د فنګېټنګ تومورونو (اناباکټ، کېمبرېج روغتياساتنې اسانتياوې) او روزاسيا (روزېکس او مېتروجېل د ګالدرما کارخانې لخوا) د جلدي ناروغيو په درملنه کې د مېترونيدازول جېل نه ګټه اخيستل کېږي.

سرچينې

‎