مولوي احسان الله احسان
مولوي احسان الله احسان د طالبانو اسلامي غورځنگ له بسنټ ایښودونکو او د دغه غورځنگ درهبری شوری له غړو څخه وو.
مخینه[سمول]
شهید مولوي احسان الله (احسان) دمولوي اغامحمد زوي دمولوي میرزامحمد لمسی په کال ۱۳۸۱ هجري قمري کې دزابل ولايت د ميزان ولسوالۍ دسلیم په کلي کې په یوه دین پاله روحاني کورنۍ کې زیږیدلی دی. دشهید مولوي احسان الله نیکه مولوي میرزامحمد دکندهار له مشهوروجهادي اوعلمي شخصیتونوڅخه بلل کیدو؛ نوموړي دافغان انگلیس د دوهمې جگړې په مهال دانگریزانوخلاف په ډیرو جگړوکې فعال سهم درلود اودخپل همدغه فعال جهادي مساهمت له امله دکندهار ولایت په سرحدي ولسوالۍ سپين بولدک ولسوالۍ کې له انگلیسي پوځونوسره په مخامخ مقابله کې په پښه زخمي شوی هم دی چې له همدې امله دسیمې دخلگوپه منځ کې دگوډ ملا میرزامحمد په نوم شهرت درلود.