مالك بدري
د Wikipedia لخوا
ارواپوه مالك بابېكېر بدري ارواپوه مالك بدري د اسلامي نړۍ نوموتې څېره ده، چې په ۱۹۲۴ز كال په سوډان كې زېږېدلې دى. د لسانس دوره يې په ارواپوهنې كې د بېروت له امريكني پوهنتون څخه په عالي درجه پاى او د ماسټرۍ دوره هم هورې سرته رسولې.
لسانس يې په ۱۹۵۶ز او ماسټري يې په ۱۹۵۸ز كال ترلاسه كړه.
دارنګه يې په همدې مسلك كې د دوكتورا مرحله د انګلستان په (Leicester) پوهنتون كې سرته ورسوله.
او د دوكتورا څخه وراخوا (Post Doctoral research) يې د ساپوهنې په څانګه كې د لندن له (middesex) له پوهنتون څخه ترلاسه كړه.
مالك بدري د ساپوهنې په ښوونه كې زياته تجربه لري، دارنګه څېړنې او اروايي ناروغانو په درملنه كې زيات كار كړې.
د ښوونې او درملنې زياتره وخت يې په دې پوهنتونو او ورغتونونو كې تېر كړې لكه: د بېروت امريكايي پوهنتون، د اردن پوهنتون، د ام درمان اسلامي پوهنتون (سوډان)، او د خرطوم پوهنتون (سوډان). دارنګه د يې د سوډان په پلازمېنه او د رياض په مركزي روغتون كې د عصبي ګډوډيو (Nerrous desorders) په كتنځي كې كار كړې.
او د رياض په پوهنتون كې د ارواپوهنې د كتنځي بنسټ اېښودونكې او چلوونكې هم پاتې شوې دى.
پروفېسور بدري د نړېوالو مسلكي ټولنولكه د سوډان د مسلمانو ټولنيزو ساينسپوهانو ټولنه، او د برتانيۍ د سلوكي روا ناروغ درملنې (Behaviour Psychotherapy) ټولنه...
