له مذهبه پرته انسانيت
د Wikipedia لخوا
هسې خو د ماده پرستانو (مټريالېستانو) لخوا په هر پير كې د دين خلاف د كركې او نفرت يوه نوې څپه راپورته شوې، مګر په نني پېر كې د سوسيالستانو او كپېټالستانو لخوا دې غورځنګ ته يو نوې رنګ وركړې. ځينې خلك د كركې او نفرت د جذبې په مختلفو اړخونو او منطقي پايلو باندې غور او فكر څخه پرته دا خبره كوي، چې اخر ولې انسان له دين او مذهب له اغيزو څخه پرته په خپلواكه توګه غوره او خوشاله ژوند نشي تېرولې؟
چا چې كله په يوه مسئله كې په پوره غور او دقت سر ه فكر نه وي كړې، دوي خو خير په همدې لار روان وي، او تر هغه وخته پورې به په خپل زړه كې له دين او مذهب سره كينه لري، ترڅو پورې چې لادينيت په ټوله نړۍ خپلې ولكې ټينګولو سره انساني ژوند په بشپړ ډول دوزخ جوړ نكړي.
مګر هغه خلك چې د عصر له نارو څخه سمدلاسه نه اغيزمن كېږي، او د راتلونكيو وختونو او پېښو باندې د غور او فكر كولو عادي دي، دوي ته ښايي چې پدې خبره ضرور غور وكړي، چې آيا له مذهبه پرته به انسانيت ژوندې پاتې كېدې شي، او كه چېرې دين او مذهب له نړۍ څخه رخصت شي، نو انسانيت به ناچاره ډول له كوم وېروونكي حالت سره مخ شي؟
ددې مسئلې له شننې څخه مخكې د ځينو خبرو روښانونه اړينه برېښي:
