سيد جلال کريم

د ويکيپېډيا لخوا
ورټوپ کړه: گرځښت, پلټل

سيد جلال کريم (۱۳۴۸ ل. - ) د افغانستان د ۲۰۰۹ کال د ولسمشريزو ټاکنو يو خپلواک کانديد دی. نوموړی د لوړو زده کړو څېښتن دی او د هېواد نه دباندې يې په ګڼو پوهنتونونو کې خپلې زده کړې سر ته رسولي. هغه خپلې زده کړې د انجنيري په څانګه کې بشپړې کړي. خو بيا يې سوداګرۍ ته مخه کړې او په دې څانګه کې هم بريالی پاتې شوی. سيد جلال د يو شمېر سياسي فعاليتونو په بنسټ په ځينو سياسي کړيو کې د يوه منځګړي په توګه هم پاتې شوی.

مخينه

سيدجلال کريم چې په سيدجلال نابغه مشهور دي په (١٣٤٨) کال کي په کابل کي په يوه متد ينه او متوسطه کورنۍ کي وزيږيد. پلار يي ښوونکي وه او د ښووني مقدسه دنده يي د کابل د عالي ليسو څخه په يوه ليسه کي ترسره کوله.

زده کړې

سيدجلال په شپږ کلنۍ( ٦) کي د استقلال په عالي ليسه کي شامل شو او دوه کاله وروسته يعني په( ٨) کلنۍ کي يي د بي ساري استعداد او زکاوت په سبب د ذکر شوي ليسي څخه د دولسم صنف د فراعت سند ترلاسه کړ. او د نابغه په صفت د هيواد په دننه او همدارنګه د هيواد څخه بهر وپيژندل شو. سيدجلال نابغه په( ١٣٥٧) کال د(٩) کلنۍ په عمر د کابل پوهنتون دانجنري په پوهنځي کي شامل شو او وروسته امريکا ته ولاړ او د کولمبيا په پوهنتون کي چه د نيويارک په ښار کي واقع دي شامل شو نوموړي د کولمبيا په پوهنتون کي د شموليت څخه وروسته د افغانستان د هغه وخت د دولت په امر د امريکا څخه کابل ته راوستل شو. او وروسته د روسي ژبي،رياضياتو او فزيک د زده کړي په منظور د يو خاص پروګرام لاندي مسکو ته وليږل شو. سيدجلال په ١٣٥٩) کال کي د خپلى کورنۍ د ليدلو لپاره کابل ته راستون شو او د خلکو او د چاپيريال د خرابي او ناارامي وضعي د ليدلو څخه يو څه موده وروسته د زرګونو هيوادوالو سره لومړي د پاکستان په لور وخوځيد او وروسته د (٦) مياشتو تيرولو نوموړي د خپلي کورنۍ سره يو ځاي د سعودي عربستان په لور وخوځيد. چه په سعودي عربستان کي نوموړي دشاه فهد د منرالو او پتروليم په پوهنتون کي شامل شو. چه نوموړي هلته د انجنري فعاليتو نو او همدارنګه د فزيک او عربي ژبي زده کړه وکړه چه وروسته ددري کالو څخه د کمي مودي د تيرولو نوموړي نابغه(١٤)کلن افغان په اقتصادي فعاليتونو بوخت شو.

دندې

سيدجلال نظر په هغه زيار، تلاش او سالمو نوښتونو چه د خپل ځان څخه يي وښوده پدي وتوانيد چه د بشر د حقوقودمهمو فعالينو او همکارانو څخه واوسي . د اقتصاد په برخه کي نوموړي د خپلو سالمو او مثبتو نوښتونو په سبب پدي بريالي شو چه په دي ساحه کي چټک پرمختګ او انکشاف وکړي . چه پدې ارتباط دعربستان او همدارنګه د متحده عرب اماراتو د څو کمپنيو په راکړه ورکړه بريالي شو. د نوموړي مرستيالان او د سوداګريزو شرکتونو شريکان د لويو شخصي شرکتونو څو مليتزو شرکتونو او د خليج د اقتصادي همکاري د شورا د مختلفو هيوادونو د شاهي کورنيو څخه عبارت دي . د سوداګريزو بوختياؤ څخه پر ته محترم سيدجلال د خپل علمي او فرهنګي شهرت او اقتصادي موقف څخه په استفادي پدي وتوانيد چه دنړيوالو ارتباطاتو له لاري په افغانستان کي امنيت او صلحي ټينګولو په برخه کي مهم خدمتونه تر سره کړي. چه پدي ترڅ کي نوموړي په( ١٣٦٩) کال کي خپل ډير زيار وکيښ تر څو په افغانستان د داخلي جنګونو د ختمولو لپاره افغانستان، پاکستان او په جګړه کي د بوختو خواؤ تر منځ يوه سوليزه لار ولټوي چه پدي لړ کي د هغه مذاکراتو په نتيجه کي چه د مربوطو خواؤ سره يي درلودل نوموړي په ١٣٧٦) کال کي د طالبانو د بند څخه د ١٠) ايراني بنديانو په خلاصولو بريالي شو. همدارنګه يي په ١٣٧٧) کال کي دنوموړي دهغه مذاکراتو او منځګړ توب له لاري چه د شمالي اتحاد او د طالبانو تر منخ د يوه مياشتي اور بند سبب وګرځيد ١٢٠٠) بنديان د شمال اتحاد او طالبانو تر منځ په ازادانه توګه تبادله شول. محترم سيد جلال نابعه د خلکود ذهنونو د روښانه کولو د خبر رسولو د امورو او دموکراسي د تامين لپاره هم ښه فرهنګي خدمتونه تر سره کړي چه د هغي مشخصه او ښه نمونه د يوي باارزښته راديوي شبکي (افغانستان غږ) تاسيس او پکار اچول دي . سيدجلال د هغه ژور احساس په اساس چه د افغانستان د درديدلو خلکو په اړه کي لري . دمذاکراتو او تفاهم له لاري وکولي شو تر څود مختلفو اروپايي هيوادونو، نړيوالو سازمانونو په شمول د ملل متحد د سازمان توجه د افغانستان د مسلي د حل په اړه جلب کړي. سيدجلال وکولي شو تر څو خپلي څيړني د اقتصاد، نړيوال قانون او اسلامي قانون په برخه کي تقويه کړي. او همدارنګه يي د يوه شخصيت په حيث د افغانانو د مسلو د حل په برخه کي مختلفي هلي ځلي کړي دي . نوموړي د ملي ازادۍ دفکر او ملي عالي احساساتو په درلودلو سره د يو وتلي واقعي ملي شخصيت په حيث په داخل د هيواد کي د ټولو افغانانو او همدارنګه په بهر د هيواد کي د نړيوالو د اعتماد او اخترام وړوګرځيد . د نوموړي هغه زيار او تلاش چه په هيواد کي يي رسولي اوثبات راوستلو په لور کي تر سره کړي وه پدي وتوانيد ترڅو د نړي د اکثرو هيوادو په شمول د پاکستان، ايران، هندوستان، سعودي عربستان، متحده عرب امارات او ترکيي سره قوي روابط رامنځ ته کړي او پدي اړه دټولو اعتماد ترلاسه کړي . سيدجلال پدي نظر دي چه هغه مشکلات چه افغانستان د هغه سره لاس او ګريوان دي د تروريزم په شمول چه يونړيوال مشکل دي افغانان په يوازيتوب سره نشي کولاي د هغو په حل کولو بريالي شي يوازي هغه وخت چه د افغانستان د ګاونډيانو تر منځ دوه طرفه او پوره همکاري د متقابل احترام په اساس چه د يو بل د سياسي ازادۍ او ځمکنۍ بشپړتيا په پيژندلو ولاړ وي کولاي شي ديو بل مشکلات او مسلي يو په بل پسي حل شي .


سرچينې

باندنۍ تړنې