د ننگرهار پوهنتون

د ويکيپېډيا لخوا
ورټوپ کړه: گرځښت, پلټل

ننګرهار پوهنتون د ملي او نړيوالو شرايطو له مخې د هيواد د دويم پوهنتون په حيث د لوړوزده کړو وزارت له خواپه کال ۱۳۴۲ يا 1963 ميلادي کې تاسيس شو. په لومړي سر کې ددې پوهنتون یواځې د طب پوهنځي په توګه منځ ته راغی. دا پوهنتون د ننگرهار ولايت، جلال آباد څخه بهر د سره رود درونټی کلي ته څېرمه رغول شوی.[1] ددې پوهنتون په یوولسو پوهنځيوکې ټول (۸۲۶۰) تنه زده کړیالان په زده کړه بوخت دي چې له دې جملې څخه (۳۴۰) تنه ښځينه او (۷۹۲۰) تنه يې نارينه دي. همدارنګه په دوي کې (۶۷) تنه ښځينه او (۲۹۲۶) نارينه زده کړیالان په شپه ځای (ليليو) کې اوسيږي.

پوهنځي

نوموړی پوهنتون یوولس پوهنځي لری چی عبارت دی له (شرعیات، حقوق ،انجنیری، زراعت، اقتصاد، طب، وترنری،ادبیات، کمپیوټر ساینس، تعلیم اوتربیه او ساینس).

د طب، کمپیوټر ساینس او تعلیم او تربیی پوهنځي د جلال آباد په ښار کی موقعیت لری او باقی پاتی اته پوهنځي د درونټی په ساحه کی موقعیت لری چی د جلال آباد ښارڅخه د یوولس کیلو مترو په فاصله کی واقع دی. ددې پوهنتو ۶۰٪ سلنه زده کړیالان له نورو ولایتونو او یو څه هم له ګاونډي پاکستان څخه دې پوهنتون کې ګډون لري.

د پوهنځیو پېښلیک

د طب پوهنځی د ننګرهار پوهنتون لومړنی پوهنځی وو چی تاسیس شو او بیا وروسته په کال (۱۳۵۷ ه ش) کی د انجنیری ،تعلیم او تربیی او زراعت پوهنځي جوړی شوی او بیا وروسته په کال (۱۳۶۳ ه ش) کی د ادبیاتو پوهنځی جوړ شو او په کال (۱۳۷۱ ه ش) کی د اقتصاد،حقوق،شرعیات او وترنری پوهنځي تاسیس شوي او په کال (۱۳۹۰ ه ش) کی د کمپیوټر ساینس او ساینس پوهنځي هم تاسیس شو چه اوس مهال د ننګرهار پوهنتون د یوولسو پوهنځيو لرونکی دی .

علمی اواکادميک اړخ

د طب په پوهنځي کې (۱۴) بيلابيلې څانګې، د انجينري په پوهنځي کې (۴) څانګې، د کرنې په پوهنځي کې (۵)څانګې، ‎دژبوادبياتو په پوهنځي کې (۵) څانګې، د اقتصاد په پوهنځي کې (۳) څانګې، دحقوقو په پوهنځي کې (۲) څانګې، د وترنرۍ په پوهنځي کې (۳) څانګې او د شرعياتو په پوهنځي کې (۳) شته دی.

په دې څانګو يا ديپارتمنتونو کې د تشکيل له مخې ټول (۳۲۶) تنه استادان په علمی فعايتونوبوخت دي چې له دې جملې څخه

(۸) تنه اناث اونوريې نارینه دي .په دې جمله کې (۱۵) تنه ددکتورا،(۱۳۱) تنه دماسترۍ اونوريې (۱۶۸) تنه دليانس په کچه تحصيلات لري .

همدارنګه په دوې کې (۱۱) تنه دپوهاند، (۱۵) دپوهنتوال، (۵۱) تنه د پوهندوۍ، (۸۵) تنه پوهنمل، (۸۵) پوهنيار، ( - ) تنه د پوهنيار نامزد، (۴۶) تنه پوهيالي او (۱۷) تنه د پوهيالي نامزد علمی نومونه لري.

د عمومي تشکيل په جمله کې (۳۴) تنه د تحصيل له پاره بهر ته ليږل شوي چې (۱۴) يې بېرته راستانه شوي او (۲۰) تنه يې لا اوس هم په بهرکې په تحصيل بوخت دي .

ددې پوهنتون زياتره استاذان د معلوماتي تيکنالوژۍ څخه برخه من نه دي اواوس په پوهنتون کې د فايبر نوري سيستم فعال شوى دى هیله ده چې ددې پوهنتون استاذان به ترينه بشپړه ګټه واخلي.

ددې پوهنتون داستاذانوله خوا ځينې علمي سيمينارونه، ورکشاپونونه او سمپوزيمونه جوړيږي چې استاذان او محصلان ورڅخه په زړه پورې ګټه اخلي. د محصلينو د ښې ښوونې او روزنې په خاطر د ځينو پوهنځيو له پاره د علمي مصروفیتونو زمينه برابريږي.

د ننګرهار پوهنتون په یوولسو پوهنځيوکې ټول (۸۲۶۰) تنه زده کړیالان په زده کړه بوخت دي چې له دې جملې څخه (۳۴۰) تنه ښځينه او (۷۹۲۰) تنه يې نارينه دي. همدارنګه په دوي کې (۶۷) تنه ښځينه او (۲۹۲۶) نارينه محصلين په ليليو کې اوسيږي.

سږکال (۸۳۲) تنه زده کړیالان ۶۵٪ نمرې نه دي بشپړې کړې نو ځکه د شپه ځای د مقررې له مخې د شپه ځای (ليليې) مستحق نه ګنل کيږي او همدارنګه (۱۲۸) تنه چې د نورو پوهنتونو څخه راتبديل شوي دي دوې هم د تبديلۍ د لايحې له مخې د ليليې مستحق ګڼل شوي دي.

اداري اړخ

په لنډه توګه په څلورګونو شپه ځایونو کې د زده کړیالانو حالت په لاندې توګه دی:

په مرکزي ليليه کې (۱۸۳۱) تنه همدارنګه (۴۰۷) تنو۶۵٪ نه دی بشپړکړی او(۱۰۷) تبديلي دي ، دښوونې اوروزنې په ليليه کې ( ۶۰۳)همدارنګه (۲۵۲) تنو۶۵٪ نه دی بشپړکړی او(۸) تنه تبديلي دي ،دطب پوهنځي په ليليه کې (۲۹۰) تنه چې (۳۶) اناث او(۲۵۶) نارينه دي . په کمپيوترسيانس کې (۲۰۲) تنه لیلیه دي .

همدارنګه ددې پوهنتون په بېلابېلوسرويسونوکې ددې منطقې ډېر ناروغان زمونږ دمجربواستاذانواوداکترانوله خوا تداوي اواباته اعاشه کيږي .

ددې پوهنتون اداري چارې دڅلورولويومديريتونو: دبشري منابعولوی مديريت ، دمحاسبې لوی مديريت ،خدماتو لوی مديريت ،دساتنې اوڅارنې لوی مديريت ،دليليې لوی مديريت ،داستاذانواومحصلانولوی مديريت په مخ وړي چې ددې ټول په سرکې دپوهنتون لوی ريس اودعلمی ،ادراې اومحصلانوچارودرې مرستيالان اویوولس دپوهنځيو ريسان واقع دي . چې علمي چارې علمی مرستيال ،اداري چارې اداري مرستيال اودمحصلانوچارې دمحصلانومرستيال ترسره کوي .

داپوهنتون ديوماسترپلان له مخې (۱۱۶) هکټاره ځمکه لري چې همدااوس (۴۵) هکټاره یې د پوهنتون په واک اونوره يې دځينولاملونوله مخې خلکونيولې ده .اوس پوهنتون يوستراتيژيک پلان لري چې ورپه کې ددې پوهنتون معرفي ،لېرې ليد،هدفونه ،نيمګړتياوي ،ظرفيتونه ،ګواښونه اوځينې نورمفاهيم ځای پرځای شوي دي .

په پوهنتون کې بهرنيو موسسو پروژې

۱- دUSIDA ددوه لکه اوپنځه اتيا زرو(۲۸۵۰۰۰)امريکايی ډالرو په مالي لګښت دوترنرۍ دوه پوړيزه ودانۍ .

٢- دامريکا دخېريه روټري کلپ ديولک څلورزره اودوه سوو(۱۴۲۰۰) امريکايي ډالروپه مالی لګښت سره دبهرنيوميلمانوله پاره يوه پوړيزه عصري ميلمستون اودکمپيوټراوانګليسي ژبې نړيوال اموزشي مرکز جوړشوی دی چې په کې يولوي ميټنګ هال دفتري خونه اودانتطارخونه تشناب اوچاى خونه شته دى.

دروټری کلپ په مرسته دانګليسی ژبې اوکمپيوټر دزده کړې مرکز

٣- دنړيوال بانګ په (دوه لکه پنځه اويازرو(۲۷۵۰۰۰) امريکايي ډالروپه لګښت سره دپوهنتون کتابتون جوړشوی دی دغه ودانۍ دوه پوړيزه ده چې په کې ٦ سترې خونې او

٤- ديوې جاپانۍ ميرمنې په شخصی لکښت دجونوله پاره ليليه .

٥- دUSIDA په مالی لګښت دطب ليليې بيا روغونه شوې ده. چې په کې دډوډۍ خوړولولوي هال اودوه دليليې دمديريت له پاره خونې په کې شته دى .

٦- دنړيوال بانک په ( ۷۰۰۰۰۰) اوه لکه امريکايي ډالروپه لګښت سره دانجينري پوهنځی ودانۍ چې په کې دپنځه ګونوڅانګودفترونه دريس له پاره لوى دفتر اودتدريسي مديريت اودريس دمرستيال له پاره دوه بېلابېل دفترونه

٧- دامريکادخېريه موسيسې روټري کلپ په (۱۶۳۰۰) امریکایی ډالرمالي لګښت سره په مرکز ي پوهنتون دجونوله پاره مجهزه ليليه .

۸- دنړيوال بانګ په مرسته دبرق دشبکې بيا روغونه .

۹- دنړيوال بانګ په يوديرش اعشاريه اوه (۳۱۷۰۰۰۰۰) افغانيو په مالی لګښت سره دپوهنتون داحاطوي ديوال جوړښت .

۱۰- دامريکايي خيريه موسيسې روټري کلپ په 234000 لکه امريکايي ډالرولګښت دښوونې اوروزنې پوهنځي کې دښوونيزمرکز جوړيدل .

په دې ودانۍکې دوه ميټنګ هالونه چې هريويې ٢١٠ او٨٨ تنوځاى لري اوپه کې ٣ دفتري خونې او١١ تشنابونه په پام نيول شوې

١٠- دددوست هيوادپاکستان په 6.5 نيم مليونه ډالروپه لګښت سره دسيانس دمجهزې ودانۍ کارد٢٠٠٦ ميلادي کال داپريل په مياشت کې پيل اود٢٠٠٩ ميلادي کال دديسامبر په مياشت کې سرته ورسيد مګر دفرنيچر دنه رارسيدوله کبله يې دتسليميدوکار تردې دمه وځنډيده اوبل اخره دروان ميلادي ٢٠١٠ کال دديسامبر په مياشت کې تسليميدوته تيارشو.

داودانۍ په دريوپوړونوکې په اساسي ډول د١٠٠٠٠ مترمربع مساحت په لرلوسره جوړه شويده په دې ودانۍ کي دپروفيسرانوله پاره ١٦ خونې ،داسيستانت پروفيسرانوله پاره ٢٤ خونې ،دوه کنفرانس هالونه چې هريويې د١٥٠ تنوګنجايش لري ،يوه کتابخانه ،٤ لاربراتوارونه ،٢٤ درسي خونې اودسکتريت سره يوځاي دريس له پاره خونه شته دي .

کومې پروژې چې دجوړيدوپه حال کې دي

١- د زراعت د پوهنځی ودانی چی د امریکا د برولاک انستیتوت لخوا جوړیږی .

کومې پروژې چې په پام کې دي

۱- دپوهنتون اداري ودانۍ

۲- دحقوقواوشرعياتوپوهنځيوودانۍ

۳- جمنازيوم ودانۍ

۴- اديتوريم ودانۍ

۵- دادبياتوله پاره ودانۍ

دا هم وگورې

سرچینې

[ننګرهار پوهنتون ویب سایټ]