حنان حبيبزی

د ويکيپېډيا لخوا
ورټوپ کړه: گرځښت, پلټل
حنان حبيبزی

حنان حبيبزی د ١٩٧٧ زېږديز کال د فبرورۍ د مياشتې پر ١٢مه نېټۀ د بغلان ولايت د دوشي ولسوالۍ د کيله گي د شينوارو په کلي کې زېږېدلی دی .

زده کړې

منځنۍ زده كړې يې په پېښور كې د سيد جمال الدين افغان په ليسه كې تر سره کړي او په ١٩٩٦ كال كې د بغلان پوهنتون ( چې په هغه وخت كې د ناصر خسروي بلخي په نامه يادېده ) د ساينس له پوهنځي څخه فارغ شوی دی.

ښاغلی حبيبزی د خپلو ورځنيو ژورناليستيکو چوپړونو تر څنگ په هيواد کې دننه او بهر بېلابېلو ويبپاڼو ، ورځپاڼو ، مهالنيو او مياشتنيو خپرونو سره قلمي همکاري لري. او تر اوسه يې په لسگونو بېلابېلي څېړنيزي او مالوماتي ليکنې خپرې شوي دي.

د اوس لپاره ښاغلی حبيبزی د افغانستان په شمال کې د بي بي سي خبريال دی.

چاپ شوي اثار

  1. د هندوكش ازانگې - شعري ټولگه
  2. د شمالي ولايتونو تاريخي اثارو ته کتنه

نا چاپه اثار

  1. د لنډو كېسو ناچاپه ټولگه
  2. اې لورې كتاب ژباړه ( ناچاپ )
  3. د بيلا بيلو مقالو ناچاپه ټولگه

باندنۍ تړنې