اپورتونېزم

د ويکيپېډيا، وړیا پوهنغونډ له خوا

اپورتونېزم دغه اصطلاح د فرانسوي ژبې Opportum څخه اخيستل شوې ده چې د فرصت معنا لري. فرصت لټولو، ابن الوقتي د اوضاعو له تعبير سره سم د خپلو شخصي گټو له پاره د خپل جهت ته تغير وركولو ته اپورتونيزم يا اپورچونيزم وايي. هغه كسان چې د دغه سياست پيروي كوي، اپورچونيست بلل كېږي. په سياست كې اپورچونيست هغه چاته ويل كېږي چې تل د قدرت وخواته ميلان لري. زموږ د عامو خلكو په اصطلاح د چرگ د لكۍ حيثيت لري؛ هرې خوا ته كږيږي. اپورچونيستان د هېڅ ډول اصولو تابع نه دي، ملي مترقي عناصر اپورچونيزم ته په كركه گوري او عقيده لري چې اپورچونيست سړى هيڅكله خپل هېواد او ملت ته خدمت نه شي كولى او نه ثابت فكر او ټاكلي مشي درلودلاى شي.